“من #إنفجار 4 آب الى #الكورتيزون والاوجاع كسبت #وزن”…#نادين_نجيم: مش غلط نفقد #الحماس بس اهم شي ما #نستسلم…”ما تخلّوا #الزعل و #الاحباط يسيطر عليكم” (فيديو)

روت الممثلة اللبنانية نادين نسيب نجيم معاناتها التي عاشتها خلال السنتين الماضيتين لعدة اسباب بينها عملها وسفرها الدائم بالإضافة لإصابتها بإنفجار مرفأ بيروت والعلاج الذي خضعت له، مما اثر على اهتمامها بجسمها.
ونشرت نادين على صفحتها الخاصة عبر انستغرام مقطع فيديو ظهرت فيه من داخل النادي الرياضي، وعلّقت بالقول:”من بعد سنتين شغل و تعب وسفر هملت جسمي و خاصة بعد انفجار ٤ آب وبسبب الكورتيزون والادوية والسترس كسبت وزن و ميّ ورحت بدوامة الكسل وفقدت حماسي للتمرين وحسيت انه ما رح فيي رجّع جسمي متل ما كان عملت دايت بس حسيت انه ما عم لاقي النتيجة لحتى من شهرين قررت ارجع اتمرن و التزم والنتيجة كانت احسن من ما كنت متوقعة وبوقت قصير قدرت اتقدم و شدّ جسمي و اتخلص من وجع الظهر والكتاف حتى نومي اتحسن و جسمي صار اقوى و بطلت حس بالتعب والكسل  مرسي ميشال لانه انت شجعتني كتير وخليتني اتحدى حالي. مش غلط ناخد استراحة او نفقد الحماس لفترة بس اهم شي ما نستسلم ونرجع اقوى من الاول ما تخلّوا الزعل والاحباط يسيطر عليكم”.