ياسمين عز توجه رسالة جديدة لشاكيرا تتعلق ببيكيه: ايه لازمة التشهير بجوزك الرجل الأشقر المحترم وبعدين صلحي كاميرا بيتكم ونخلص
من جديد وجهت الإعلامية ياسمين عز رسالة للنجمة الكولومبية شاكيرا بعدما طرحت أغنية تهاجم من خلالها زوجها السابق لاعب المنتخب الإسباني المعتزل جيرارد بيكيه، مشيرة إلى أنها تواصل سلسلة الإشارة «والتلقيح بالأغاني».
وقالت ياسمين عز من خلال برنامج كلام الناس المذاع عبر شاشة إم بي سي لـ شاكيرا: «لقينا شاكيرا رجعت تكشف تفاصيل خيانة بيكيه لها وكيف أنها اكتشفت الخيانة من خلال برطمان مربى، مضيفة أنها رجعت لقيت برطمان المربى ناقص وده اللي عرفها أن بيكيه بيخونها. علشان بيكيه مبيحبش المربى طول عمره ومن هنا اكتشفت الخيانة».
وتابعت ياسمين عز: «يعني عندك كاميرات وانتي عايشة بره كل التكنولوجيا عندك، تعرفي إذا كان فيه ست داخلة من خلال الكاميرات ولكن من خلال برطمان المربى هذا ما لم نسمع به من قبل ».
وواصلت: « ايه لازمة التشهير بجوزك الرجل الأشقر المحترم وبعدين صلحي كاميرا بيتكم ونخلص، وبعد كده قامت وحطت تمثال في بلكونة بيتها وشغلت أغنية الردح الجديدة لحماتها، وهي دي الأصول والأخلاق الحاجة أم بيكيه عملتلك ايه، وبعدين اللي خرج حد من حياته يعتبر زي الطفاية واللي مبيدخنش».
وأضافت: «لو انتي بره مديرة وخرجتي من شغلك تسيبي وظيفتك وتدخلي زوجة مفيش وظيفة في البيت لو انتي مديرة».
وتابعت: «جوه البيت الراجل رجل والست ست وبعدين انتي عايشة في خير انتي في مجتمع الراجل طلع وعنده قاعدة مفيش ست تدفع وأنا قاعد احترمي ده وافرحي ده خدي فرعونك ببركته كده».
منذ عدة أيام وجهت المذيعة المصرية رسالة لشاكيرا، تنصحها فيها بالتوقف عن التلميح لطليقها بيكيه، وذلك لمصلحة أطفالهم الذين لا ذنب لهم بالخلاف الحاصل بين الأبوين.
المصدر: الأسبوع
