“مجبورين نلبس أبيض وممنوع الصحافة تنتقد ما كمان تفتيش على الاظافر” …بعد وضع شروط تمنع انتقادهم له ولحفل … منشورات لاذعة من الصحافيين اللبنانيين على عمرو دياب
أحدثت وثيقة متداولة ضجة على مواقع التواصل الإجتماعي بعدما قيل أنه تم عرضها على الصحافيين لتوقيعها مقابل حضور حفل عمرو دياب في لبنان. وتتلخص في تعهد الصحافي بعدم الانتقاد، وعدم التقاط أي مقطع فيديو، تحت طائلة حذف المادة أو الفيديو بطلب من دياب أو الجهة المنظمة.
ويشترط التعهد على الصحافي، الالتزام بعدم التصريح أو كتابة أي مقال أو منشور “من شأنه الإساءة لقيمة هذا الحفلة أو لشخصية عمرو دياب أو لشركة Rodge أو الشركة المنظمة”.
وعبر عدد من الصحافيين عن غضبهم من هذا القرار لما فيه من تقييد لحريتهم كصحافيين ومصادرة لرأيهم.
مما لا شكّ فيه أن #عمرو_دياب فنان كبير وجماهيري لكن أن يوجّه دعوات مشروطة للصحفيين والصحفيات فهذا أمر مهين وغير مقبول ،هل تستطيع أيها الفنان المحترم أن تضع هذه الشروط في أي بلد آخر ؟ في مثل شعيي بقول “ قال يا فرعون مين فرعنك؟ ما لقيت حدا يرّدني” !!!!! pic.twitter.com/GplwxZsiYP
— Rabia Zayyat (@rabiazayyat) August 19, 2023
#عمرو_دياب مفكر حالو عامل حفلة بكوريا الشمالية!
قبض ٥٠٠ الف دولار حق الحفلة، ومش فارقة معو انو في دعوى قضائية بحقه في المحاكم اللبنانية، وقرر ما يعطي الناس حقها اللي ناكرو صرلو فترة!
و بدو الصحافيين يحكوا ايجابياً عن الحفلة او يسكتوا وما يحكوا!
لو ببلد بيحترم حالو كان بيتوقّف… pic.twitter.com/8o4iyQPVLU— Ali Mortada || علي مرتضى (@aliimortada) August 19, 2023
معقول!!!!؟؟
مافي كمان تفتيش على الأضافر!!؟؟
هذا التعهد كانه من زمن هتلر… عيب يا هضبة والله#عمرو_دياب pic.twitter.com/AB0TJEkWDt— ramia al ibrahim – راميا الابراهيم (@ramiaalibrahim) August 19, 2023
متعهد حفلة #عمرو_دياب في بيروت يرسل للصحافيين تعهدا يوقعونه ويلتزمون بموجبه عدم انتقاد الحفل تحت طائلة حذف المقال
هيدي ما صارت قبل بعد ناقص كرباج وفلقة وقصاص كل حرف بلون للصحافي المخالف pic.twitter.com/W51TjYfqsP— Imane Ibrahim🇱🇧 (@ImaneIbrahim1) August 19, 2023
لحفل #عمرو_دياب الليلة
• مجبورين نلبس ابيض
• ممنوع الصحافة تنتقد
• ممنوع الصحافة تعمل مقابلات
• مسكرين بعض شوارع بيروت
• اكتر من ١٥ الف شخص
• اكتر من ٥٠٠ الف $ اجره— Elie Merheb (@_ElieMerheb) August 19, 2023
نتعهد للمتعهد اننا وبعد الحفلة سوف نرمي انفسنا من شاهق فداءً للهضبة.
لو في دولة بتسحبك ايها المتعهد لتتعهد بعدم تقييد الصحافة وإهانتها.
متعهد انتفخ من الربح وجايي يعلّمنا حريات
وعملاً بقانون #عمرو_دياب
خلينا نعيش حياتنا
بمزاجنا وبراحتنا
واللي يقل في راحتنا
يمشي الفترة اللي جاية— مريم البسام (@MariamAlbassam) August 19, 2023
بدنا نروق، فنان بحجم #عمرو_دياب 40 سنة على هرم الغناء العربي ووصل للعالمية، ورافق 4 أجيال بأعمال شاركت حزننا وفرحنا وحياتنا، فعادي جدا يصير في هالضجة .. ما بدها تذمر هالقد ..
أنا مش رايح بس يلي رايحين بقلهم:
انبسطوا وغنوا ورقصوا … هيدا حق للناس رغم وضعنا وتعبنا وهمومنا…— ziad itani (@ZiadItanioff) August 19, 2023
كيف يعني فنّان او الشركة المنظمة او مين مكان بفرض عالصحفيين اتها تجي وتلتزم بعدم النقد وتفرص سلطة وحدود على عملهن؟
مين الصحفي لي بيحترم حالو وقلمو لي بيقبل بهيك شروط؟
اصلا كيف بيقبلها ع حالو فنان بقيمة وحجم #عمرو_دياب يفرض هيك شرط عالصحفيين؟— أماني جحا (@amanie_geha) August 19, 2023
