– ما تخافوا واسألوهم: ما كان في احتلال ايراني لمّا تحالفوا مع حزب الله سنة 2005 بالتحالف الرباعي والسداسي؟
– ما كان في احتلال ايراني لمّا مدّعي السيادة ما عمل نايب بجبيل الاّ بزمن الوصاية السورية، وما كان يطلع نايب الاّ من مكتب النظام الأمني اللبناني السوري؟
– ما كان في احتلال ايراني لمّا نايب البترون خرج من كنيسة مار مارون اعتراضاً على عدم ذكر المقاومة؟ ولمّا نسّق مع عنجر مسرحية الـ 96 تيعمل نايب المعارضة؟
– بدنا نحاسب يلّي عربشوا على اكتافنا حتى وصلوا، وغدرونا وقفزوا من المركب وشاركوا بجريمة اغراقه
– بدنا نحاسب يلّي شلناهم بالـ 2005 من خزانة النسيان وفرزنالهم مطارح مرموقة على حسابنا ولمّا اعتبرونا ضعفنا خانونا
– بدنا نحاسب يلّي معتبر مجلس النواب ورثة هول الاقطاعيين الصغار لمّا بيكونو معنا بيضربوا بسيفنا وبياكلوا من خبزنا ولمّا بيقوى ضغط المؤامرة وبيتلقّوا الأوامر من السفارة بيصيروا يشتمونا ويقبضوا مصاري على ضهرنا وبيجيبوا Sponsor ليسقطونا
– بيحاولوا يجمّعوا بعضهم، من زحلة لبيروت لجزين للشوف وعاليه لبعبدا للمتن لكسروان وجبيل والبترون وزغرتا تذكّروني بكرا بيختلفوا على رئاسة المجموعة وبيفرطوا اصلاً هلّق مختلفين وماشي ضرب السكاكين
– هول شو عندهم يخبّروا الناس عن المستقبل؟ لا في مشروع مشترك ولا حتّى اخذوا صورة سوا! نحنا اليوم بمشهد واحد وبرنامج واحد وبعد بيلتحق فينا بعض المستقلين والتياريين اذا نجحوا
– بدّكن ننسى علاقاتكم العضويّة بالمصارف من بنك المدينة وجرّ؟ شو بدّكن تقولوا للناخبين عن صاحب البنك يلّي هرّب امواله واموالكم لبرّا وحرم المودعين منهم جوّا؟
– بدنا نحاسب حزب المصارف يلّي عنده مرشحين بكل المناطق وبكل الطوائف ومن كل الأحزاب وهيدا مش معناه انّو كل المصارف ما بيسووا ولا يعني كل صاحب مصرف هو فاسد. ابداً! نحنا ما منعمّم، ومنهم اوادم وأصحاب ضمير
– لما راحوا البواخر زاد قطع الكهرباء عدّة ساعات وزادت كلفة الفيول على الخزينة، وزادت فواتير الموتورات على الناس!
– هيدي الحقيقة! وكل الناس لمست كلفة غياب البواخر ويا ريت بيصير في محاكمة علنية من بعد ما هربوا من المناظرة العلنية لحتّى نطلّع اثباتاتنا! بتسألوني ليش ما منطلّعها هلّق قبل الانتخابات؟! بقلّكم ما حدا بيعرف! كل شي بوقته، والمحاكمة العلنية انشا الله جايي!
– بدّنا نحاسب يلّي فتحنالن باب المسامحة وعملنا معهم مصالحة على اساس نكون فريق واحد داعم للعهد، انتخبوا الرئيس ليفشّلوه ويسقطّوه وبيتباهوا بهالشي
– استفادوا من صك البراءة يلّي اعطيناهم ياه وصار مشروعهم الوحيد افشال مشاريعنا واضعاف موقع الرئيس
