قال رئيس حزب القوات اللبنانية في مقابلة خاصة مع جوزفين ديب: “ما رح نفتح شمبانيا بس يخلص عهد الرئيس عون بالرغم من كل المآسي اللي صارت بالست سنين بس رح نزعل عالوضع بالبلد”.
وفي سياق آخر اعتبر جعجع ان “ما جرى اليوم في مجلس النواب اليوم مأساة حقيقية واذكر الجميع انه في الـ75 كان البلد يمر بمرحلة صعبة وصار فيه انتخاب الياس سركيس رئيساً للجمهورية قبل 6 اشهر من انتهاء ولاية سليمان فرنجية “.
واضاف: “محور الممانعة ما بدو انتخابات رئاسية وبيقول لان ما قدرنا حصلنا على التوافق.. طيب ما هي اسمها انتخابات ومن جهة تانية منجرب التوافق قبل 4 اشهر من الانتخابات “.
وشدد جعجع على ان ” حزب الله والتيار الوطني الحر وحلفاؤهم يعطلون الانتخابات الرئاسية لانهم لا يستطيعون ايجاد مرشح يربحون من خلاله “.
وتابع جعجع : “النواب “خارج محور الممانعة” يرفضون التحدث معنا ويرفضون ميشال معوض فليطرحوا مرشحاً لديه أكثر من 42 صوتاً وهل أصبح ميشال معوض اليوم خائناً؟”.
وتطرق جعجع الى موضوع تطيير جلسات انتخاب رئيس الجمهورية فقال : “النصاب وضع 86 نائباً من اجل انتخاب رئيس وليس من اجل التعطيل و”القوات اللبنانية” ممكن ان لا تحضر جلسة بس تعطيل النصاب “على غير هدى مش وارد لأن ما رح نعطل ” واذا صار انغدرنا بجلسة وصار شي غير متوقع ممكن انو ما نحضرها بس الجلسة اللي بعدها بدنا نحضرها “.
