رثاء ابنة محمد قنوع له بعد وفاته بأيام يبكي الجميع: ما بعرف كيف بدي عيش…يا بابا مابدي صدق

وكتبت مايا في منشوها، الذي ارفقته بصور و مقاطع فيديو جمعتها مع الراحل: “لله ما أخذ.. وله ما أعطى.. وكل شيء عنده بأجل مسمى..وإن القلب ليحزن والعين لتدمع.. ولا نقول إلا ما يرضي الرب..

وتابعت مايا: “يا بابا يا بابا مابدي اكتب و بحياتي ما توقعت نزل هاد البوست .. الحكي ولاااشي يا حبيبي ولاشي ..
مابدي اتقبل و مابدي استوعب ..مابدي صدق يا بابا مابدي صدق .. الحمدلله رب العالمين على كل شي .. بس صعب كتير يا بابا والله كتير صعب..انا مالي منيحة ابدا يا بابا ابدا ..“.

واردفت: “عم نحكي كنا انا و انت ايمت بدك تجي ع مشروع تخرجي .. و كيف بدك تفوتني على عرسي .. و كتيير كتير قصص صارت ناقصة يا بابا .. يمكن انا و انت حطينا غنية بنت ابويا و رقصنا عليا متل مو متفقين نعمل هيك بعرسي ..الله يرحمك يا حبيبي .. الله يرحمك يا سندي و ضهري .. الله يرحمك يا رفيقي ..“

واضافت مايا: “يا بابا والله نكسرت كتيير …رح ضل كل يوم استناك بالليل حتى تبعتلي نايمة و ئلك لا و افتحلك الباب و نحط مسلسل انا و انت .. رح ضل كل ما اطلع برا البيت استناك تجي تاخدني عالبيت و نتخانق عالطريق عالأغاني… ..“
كما وعدت مايا والدها بأنها ستنتظره دائما وقالت: “كل سنة بعد ميلادي رح استناك تقلي يا فرحتي الاولى مايا ….و قصص كتيير كتير ….يا أحن أب بالعالم ..لا حول ولا قوة الا بالله .. كل الدنية عم تحكي عنك يا حبيبي و اديه انت منيح .. كلشي حكو بس ماحدا بيعرف يا بابا .. ما حدا بيعرف شي ..
كل الحكي و الكتابة قليلة كتير.. كتير قليلة ..كل حياتي معك كانت عز .. حتى جنازتك يا حبيبي عز
والله يا بابا مابعرف كيف بدي عيش والله ..“

وختمت مايا: “انا بحبك اكتر وحدة بالدنية يا حبيبي و انت بتعرف هاد الشي ..و رح استناك ..الله يرحمك يا كلشي بحياتي.”