صور مقزّزة لعلبة عصير “ماكاو”… هل خرج منها ضفدع؟

نشرت المواطنة اللبنانية بتول عطّار زيتون عبر حسابها الشخصي على موقع “فيسبوك” ما يلي:

“كلنا بنعرف عصير “ماكاو” وكلنا بنشربا وبنشرّب ولادنا ويمكن ولا مرّة خطر عبالنا نشوف هيك منظر. للأسف أنا هيدا شي اللي شايفينو بالصورة طلعلي ولما جربت إتواصل مع الشركة لإعرف شو هيدا شي، طلبو يجو ياخدو العينة ليفحصوها (طبعاً عرضو علي صندوق بالمقابل قال هاي سياسة الشركة) بعد ما تأكدو إنو المكان لشتريتها منو الشركة هني بسلمو أسبوعياً وما بخزّن عندو وبعد ٥ ايام حركشت ليدقولي لإعرف النتيجة بعد كل الضغط النفسي لعشتو والخوف من اني أصاب بتسمم غذائي، بدقولي بخبروني انو العلبة واقعة وماكلة ضربة علماً انو العلبة كان ما فيها اي مشكلة وأنا فتحتا وصلاحيتها ٢/٢٠٢٠ وتسكر الموضوع كأنو صار شي عادي ناكل ونشرب شو مكان . أنا ليوم قررت اني انشرن لإن أنا إم وكان ممكن إبني يشربها ويكبها ويتسمم وما كنا عرفنا شو السبب للأسف…”.

وقد اشمأزّ المتابعون من ما رأوه في الصور التي نشرتها بتول، وراح بعضهم الى التحليل عن المادّة التي خرجت من علبة العصير. فأحدهم “شعر بأنّها ضفدع”، وآخر اكّد انّها نوع من “الفطريات والعفونة”. فيما توجّب علينا كأفراد او عائلات الانتباه جيّدا لما نأكله او نشربه.

المصدر: VDL News

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *