أعلن رئيس التيار الوطني الحر النائب جبران باسيل، اليوم الجمعة، أننا “نحن 14 آذار الحقيقيين لأن على الحرية والسيادة والاستقلال ثابتين، هم 14 آذار المزيفين لأن عندهم الحرية والسيادة والاستقلال عناوين. نحنا بقينا لليوم بالذكرى محتفلين، وهم اليوم وبكرا عن الذكرى غايبين”.
وأضاف: “نحن اصلاً القرار الوطني الحر بعدها أصبحنا التيار الوطني الحرّ. نحن هيك بدأنا. اتى رئيسنا من قلب الدولة، من قلب الجيش ومن خارج الميليشيات، اتى من قلب القرار الوطني ومن خارج القرار الخارجي ليعبّر عن قرار اللبنانيين بإستقلال وطنهم. وقفت ضدّه دول العالم لحتى زاحته بالـ 90!”.
واشار إلى أن “السنة بالـ 2025، اتوا جميعهم، قناصل وموفدين ومندوبين، صدّروا القرار الخارجي، “كلّهن يعني كلّهن” انصاعوا ونحن بقينا واقفين. جنرال، انا لي الفخر انني عملت بالـ 2025 مثلما عملت سابقًا بالـ 88: انت قلت لا لإتفاق مورفي – الأسد وانا والتيار قلنا لا لإتفاق الخماسية. وقلنا نحنا منختار رئيسنا”.
وتابع: “قرارنا من رؤؤسنا وليس من جيوبنا، والأحلى “انّو جيبتنا بتبقى فاضية بس راسنا يبقى مليان كرامة وهم لمّا بتفضى جيبتهم بيبيعوا كرامتهم”.
وقال: “السنة عنّا انتخابات، رح نكون فيها مجدداً القرار الوطني الحرّ، نخوض تحالفاتنا الانتخابية بحسب مصالحنا “وشو بيملي علينا فكرنا وعقلنا”.
وأضاف: “هذه الانتخابات مرّة جديدة مصيريّة ومثلما كانوا يريدون ان يقضوا علينا بـ 05، و 09 والـ 18 والـ 22، سيحاولون ان يقضوا علينا بالـ 2026 ولن لن يستطيعوا”.
ولفت إلى أن “بجميع الأوقات كنّا ضد المنظومة وسياساتها وسوء ادارتها للدولة وفسادها؛ الفرق الوحيد انه لمّا دخلنا الحكومة والحكم واستعدنا التمثيل والحقوق بالإدارة وبالمجلس النيابي وبالحكومة وبالرئاسة، “ما عدنا نطالب بشي استعدناه لمجتمعنا. بس هلّق رح نرجع نطالب ولو كنّا لوحدنا بحقوق مجتمعنا”.
واردف: “كنّا وسنبقى المعارضة للفساد والمعارضة للنازحين واللاجئين، المعارضة لنهب الأموال وتهريبها، المعارضة لعدم انتظام الدستور والمؤسسات، المعارضة لعدم تطبيق الدستور واللامركزية الموسّعة، المعارضة للمس بهويتنا وكياننا ودورنا ووجودنا وكرامتنا”.
وشدد على أننا “سنكون بنفس النهج الايجابي.. “قتلنا حالنا مثلاً لنجيب الكهربا منعونا وحمّلونا المسؤولية هالمرّة هم رح يحملوا المسؤولية اذا صار تخريب، مش نحنا”.
