“وانا كمان حكام #لبنان ما بمثلوني!”…#كارين_رزق_الله تدعم #راغب_علامة “عملوه بلا #وطنية وبلا #شرف والاخير يرد: “اكيد ورح نضل نحكي وبالنسبة للنفايات البشرية اذا ظهروا عندك اطرديهم ببلوك”

وفي تغريدة على حسابها عبر تويتر، قالت كارين: “راغب علامة قال حكام لبنان ما بمثلوني، عملوه بلا وطنية وبلا شرف !! والحكام اللي سرقونا وذلونا انتخبوهن وطلعوا معن وطنيين واشراف!”، مضيفة: “وانا كمان حكام لبنان ما بمثلوني!”.

وفي تغريدة اخرى، قالت كارين: “الفنان اللي مرتاح وعم يشتغل ما الو مصلحة يحكي الصراحة لان بيزعّل الناس منو.. فلما بيحكي وبينتقد لازم تشكروه عصراحتو وتحترموه لان وطنيتو عم تغلب مصالحو الشخصية!”، وتابعت: “راغب علامة اكتر وطنية من كل حكّام لبنان!”.

بدوره، رد الفنان راغب علامة على كلام كارين، فأعاد نشر تغريدتها وعلق عليها بالقول: “عزيزتي كارين.. في وطنيين وانسانيين متلنا ملايين الناس ما بيتبعوا هالزعران، لكن بيخافوا يحكوا مع انن بلا أمان ولا مستقبل ولا شغل ولا كهربا ولا مي وهلق خبز بالذل وقريبًا بلا انترنت، وزعمائن ربحوا الانتخابات بقانون مزور لأنو مرسوم عقياس اللي دمروا لبنان وسرقوه.. اللي ساكت الله لا يردو”، لتقابله كارين بالرد: “اكيد ورح نضل نحكي ! المسبات ما رح تسكتنا”.

وتابع علامة: “وبالنسبة للنفايات البشرية اذا ظهروا عندك اطرديهم ببلوك ورح يعملوا حسابات وهمية جديدة حتى يلحقوكي متل الكلاب.. هيك تعودوا يعيشوا “كلاب عند زعماءهم اللي حارمينهم نعمة الحياة”، مبسوطين بدون ابسط مقومات الحياة”.