اخبار محلية

“الكل عندو امل ببكرا لأنو بكرا نهار جديد للشابة” فاطمة”…خالتها ستتبرع لها بكليتها لتخلصها من أوجاعها ومعاناتها! (صور)

نشرت مستشفى حمود الجامعي عبر صفحتها على الفايسبوك عن قصة الشابة “فاطمة مروة” التي تعاني مشاكل في الكلى وإلتهابات حادة منذ الولادة وروت المعاناة قائلةً أن الشابة “مروة” صرلها 3 سنين بتغسّل كلاوي وبكرا “رح تخلق فاطمة من جديد” متل ما قالت.

فاطمة خلقت بمشاكل بالكلى واكياس والتهابات. ومن هي وعمرها سنتين كانت تضل من مستشفى لمستشفى. هيدا الشي خلاها تكون تعبانة معظم الأوقات وتتأخر بدراستها. بس يلي عندو ارادة فاطمة، بيوصل رغم كل الصعوبات والأوجاع والتأخير حتى لو بتغسّل يوم ايه يوم لأ. فاطمة استمرت، واخدت شهادة بالمحاسبة.

كل هيدا كان قبل. بكرا خالتها لفاطمة، “وفاء” رح تتبرع بكليتها. اليوم فريق المستشفى من اطباء وممرضين والعائلة احتفل بفاطمة. لو مهما اشتدت الظروف حولنا، رح تبقى انسانيتنا اقوى من كل شي. الضحكات التقت مع الدموع والدعوات. الكل عندو امل ببكرا لأنو بكرا نهار جديد.

بكرا عملية زراعة الكلوة، وفاطمة بحاجة لدعواتكن

 

 

مقالات ذات صلة

زر الذهاب إلى الأعلى